«Мордовия Арена» стадионса васьфтсть пялькстоманди Россиянь кафта инь цебярь командатне - «Локомотив-Пенза» и «Стрела - Ак Барс». Ваныхне, конатнень эзда трибунаса ульсь 7 тежяньда лама ломань, кода ули вий кирдезь спортсметтень. Стака пялькстомаса сяськомась сатовсь Татарстанонь командати. Кубкать сяськихненди максозь Мордовиянь оцюнясь Артём Здунов, РФ спортонь министрть васенце полафтыец Азат Кадыров, Россиянь регбинь Федерациянь президентсь Игорь Артемьев.
Тяфта жа тя шиня стадионса ётась Мордовия Республикать и Россиянь регбинь Федерациять ёткса сотрудничествань коряс соглашениянь кемокстамась. Эсь подписьснон документть алу путозь Мордовиянь Оцюнясь Артём Здунов и Федерациянь руководительсь Игорь Артемьев. Соглашениясь шарфтф республикаса тя спортонь видтть касфтоманц-виияфтоманц лангс. Мордовияса ули региональнай регбинь Федерация. Отделениясь тя спортонь видтть коряс панчф комплекснай спортивнай олимпийскяй резервонь школать базаса. Минь ули кочкаф республиканскяй регбийнай команданеке - сон, эряви азомс, занци васенце вастт эрь кодама турнирса.
Соглашениянь кемокстамать мархта тя спортонь ширесь сяви од вийхть касоманди-виияманди.
Мордовия Республикань Оцюнять пресс-службац